AzVision.az xəbər verir ki, ABŞ Dövlət Departamentinin müvafiq sənədinə istinad edən “Bloomberg” agentliyi belə məlumat yayıb.
2023-cü ildə Ceyms Marape Baydenə “Douglas A-20 Havoc” bombardmançısının qalıqlarını verib. Bu, 1944-cü ildə Yeni Qvineya sahillərində qəzaya uğramazdan əvvəl Co Baydenin əmisi Embrouz Finneqan tərəfindən idarə olunan modelin analoqu idi. Həmkarına “inanılmaz hədiyyəyə görə” təşəkkür edən ABŞ prezidenti Papua-Yeni Qvineyanın onun ailəsi üçün “xüsusi məna daşıdığını” bildirib.
Təyyarə qalıqlarından əlavə, Marape Baydenə çərçivəyə salınmış plakat, ənənəvi bilum çantası, rəsm əsəri, köynək, qızıl sancaq və qəhvə hədiyyə edib. Hədiyyələrin ümumi dəyəri 1200 dollardan çox olub.
Amerika prezidenti 2024-cü ildə Corca Meloninin ona verdiyi köynək üçün “Buccellati” xüsusi qol düymələrini də özündə saxlayıb. İtaliyanın baş naziri Baydenə həmçinin xatirə medalyonu, şərab və zeytun yağı hədiyyə edib. Onların ümumi dəyəri 722 dollar qiymətləndirilirdi.
“Bloomberg” xatırladalr ki, xarici dövlətlərin rəhbərlərinin verdikləri bütün hədiyyələr ABŞ hökumətinə məxsusdur. Əgər hədiyyəni alan preüzident əşyanı özündə saxlamaq istəyirsə, onun pulunu ödəməlidir.
Sahil İsgəndərov
AzVision.az
Bloomberg: “Bayden yalnız iki hədiyyəni özünə götürüb”
30 Yanvar 2026
Oxunub:1836
ABŞ-nin keçmiş prezidenti Co Bayden hakimiyyəti dövründə aldığı yalnız iki diplomatik hədiyyəni evinə aparıb: Papua-Yeni Qvineyanın baş naziri Ceyms Marapenin təqdim etdiyi təyyarə qalıqlarını və İtaliyanın baş naziri Corca Meloni tərəfindən Amerika liderinə verilən köynək üçün xüsusi qol düymələrini.
Teqlər: Bayden hədiyyələr
Vaxtında, Aydın, Lazımlı!
-1780404767.jpg&h=120&w=187&zc=1&q=70')
