AzVision.az xəbər verir ki, ABŞ Ədliyyə Nazirliyinin Epşteyn işi ilə bağlı açıqladığı məlumatları öyrənən “Associated Press (AP)” agentliyi belə məlumat yayıb.

Buna baxmayaraq, müstəntiqlər Epşteynin yetkinlik yaşına çatmayan qızlara qarşı cinsi istismarına dair kifayət qədər sübut əldə ediblər.

Prokuror 2025-ci ildə yazdığı arayışda Epşteynin Nyu-York, Florida və Virgin Adalarındakı evlərində ələ keçirilən video və fotoşəkillərdə qurbanların təsvirlərinin olmadığını və ya kimlərinsə belə cinayətlərdə iştirakını sübut etmədiyini bildirib.

2019-cu ilin başqa bir hesabatda isə deyilir ki, Epşteynin maliyyə sənədlərinin, o cümlədən nüfuzlu şəxslərlə əlaqəli təşkilatlara ödənişlərin nəzərdən keçirilməsi də cinayət fəaliyyəti ilə heç bir əlaqə tapılmayıb.

“Fayllara əsasən, qurbanlardan biri açıq şəkildə onu varlı dostlarına “kirayə verdiyini” iddia etsə də, agentlər bunu təsdiqləyə bilməyiblər və buna bənzər hekayə danışan başqa qurban tapmayıblar”, - agentlik yazır.

İlon Mask: “Həqiqəti deyənə pul ödəməyə hazıram”

Keçən ilin iyul ayında bir e-poçtda istintaqı izləyən agentlər Epsteyni ittiham edən “dörd və ya beş” qadının digər kişi və ya qadınların onları cinsi istismara məruz qoyduqları barədə iddiaları ilə rastlaşıblar.

Lakin həmin şəxslərə qarşı federal ittihamlar irəli sürmək üçün kifayət qədər dəlil olmadığına görə, bu işlər işlər yerli hüquq-mühafizə orqanlarına göndərilib.

Xatırladaq ki, Epşteyn işinin təhqiqatı 2005-ci ildə, 14 yaşlı bir qızın valideynləri milyonçunun Florida ştatındakı Palm Biçdəki evində cinsi təcavüzə məruz qaldığını bildirdikdə başlayıb. Polis oxşar məzmun çərçivəsində ən azı 35 qızın təzavüzə məruz qaldığını müəyyənləşdirib. Epşteynin orta məktəblərin yuxarı siniflərində oxuyan qızlara cinsi masaj üçün 200-300 dollar ödədiyi bildirilirdi.

Onda 18 ay həbs cəzasına məhkum edilən Epşteyn 2009-cu ilin ortalarında azadlığa çıxdı. 2019-cu ilin iyulunda yenidən həbs olunan maliyyəçi bir ay sonra, məhkəmə proesinin başlanmasına cəmi 3 gün qalmış həbsxana kamerasında intihar edib.

Amerikalı milyarder İlon Mask, öz növbəsində, Ceffri Epşteynin işində ifadə verən və cinayətkarların adlarını çəkən hər kəsin hüquqi xidmətlərini ödəyəcəyini bildirib.

Sahil İsgəndərov
AzVision.az