`Biz Foqtsdan daha yaxşı olacağıq` - Prosineçki

`Biz Foqtsdan daha yaxşı olacağıq` - Prosineçki
  18 Dekabr 2014    Oxunub:2111
"Milli komandanı tamamilə gəncləşdirəcəyimə söz verməmişəm. Yaşından aslı olmayaraq yığma komandaya kömək edə biləcək hər bir futbolçu millidə oynamaq şansı əldə edəcək. Dəvət edəcəyim oyunçunun yaşından çəkinmirəm. 17-18 yaşında hansısa bir futbolçunun bacarığını görsəm, onu millidə oynatmaqdan qorxmaram. Əsas olan həmin futbolçunun yaxşı formada olmasıdır".
AzVision.az xəbər verir ki, bu sözləri qol.Az-a millimizin baş məşqçisi Robert Prosineçki deyib.

Xorvatiyalı mütəxəssis bildirib ki, komandanın yaxşı oyun nümayiş etdirməsi üçün zamana ehtiyacı var:

"Məni tanıyan bilir ki, çox optimist insanam. Hamıdan qabaq özüm istəyirəm ki, milli komanda ilə gözəl futbol nümayiş etdirək. Ancaq bizə zaman lazımdır. Qısa vaxtda çox şey etmək olmaz. İlk növbədə istərdim ki, oyunçularım özlərinə inanıb futbol oynasınlar. Bütün bunları edə bilsək, nəticələrimiz də yaxşı olacaq".

R.Prosineçki onu da deyib ki, millidə Berti Foqtsdan yaxşı işlər görməyə çalışacaq:

"Köməkçilərimlə birlikdə əlimizdən gələni edəcəyik ki, Azərbaycanın futbol gələcəyi yaxşı olsun. Bu futboldur, nə olacağını bilmək olmaz. Amma inanıram ki, biz Berti Foqtsdan daha yaxşı olacağıq."


Teqlər:





Xəbər lenti