Bu gün Rusiyanın Sankt-Peterburq şəhərində təşkil olunan FİFA-nın I vitse-prezidenti Valentin Qranatkinin xatirəsinə həsr olunmuş XXVII ənənəvi beynəlxalq turnirində növbəti oyunlar keçirilir. Apasport.az saytının məlumatına görə, 1997-1998-ci il təvəllüdlü futbolçulardan təşkil olunmuş yığmaların yarışında millimiz ikinci görüşünə çıxıb.
Nikolay Adamın yetirmələri bu dəfə Rusiya-2 komandası ilə qarşılaşıb. İlk görüşdə Yaponiyanı 1:0 hesabı ilə məğlub edən futbolçularımız növbəti 3 xalını qazanıb. Komandamız rəqibinə böyükhesabla qalib gələrək, xalını 6-ya çıxarıb və qrup lideri kimi adını növbəti mərhələyə yazdırıb.
Hesabda geri düşən millimiz daha sonra Rusiya-2-ni 4 dəfə mərkəzdən başlamağa məcbur edib. Oyunun sonlarında isə meydan sahibləri hesab arasındakı fərqi azaldıb – 4:2.
Qeyd edək ki, ötən gün Asiya təmsilçisi ilə matçda millimizin yeganə qoluna 8-ci dəqiqədə Elnur Cəfərov imza atıb.
AzVision.az
Millimiz növbəti mərhələdə
04 Yanvar 2015
Oxunub:1618
Vaxtında, Aydın, Lazımlı!
-1708596417.jpg&h=200&w=200&zc=2&q=70)
