`Evimdən 34 min pul oğurlayıblar` - Elşad Miri

`Evimdən 34 min pul oğurlayıblar` - Elşad Miri
  10 Fevral 2015    Oxunub:1878
"Evimdən 34 min manat nağd pul, məişət texnikaları və qızıl-zinət əşyaları oğurlayan şəxslərin kimliyi hələ müəyyən edilməyib".
AzVision.az xəbər verir ki, bu açıqlamanı APA TV-yə ilahiyyatçı Elşad Miri verib. Onun sözlərinə görə, oğurluq hadisəsindən iki gün əvvəl ofisinin yerini dəyişməklə məşğul olub, bu səbəbdən texnikaları Biləcəri qəsəbəsindən yerləşən mənzilinə gətirib.

İlahiyyatçı hadisədən bir həftə əvvəl sosial şəbəkələrdə özünün və ailəsinin öldürülməklə hədələndiyi barədə məlumatlar yazıldığını, bu barədə materialları müvafiq strukturlara təqdim etdiyini deyib. Elşad Mirinin sözlərinə görə, hədələnməsi ilə evindən oğurluq hadisəsi arasında əlaqə olub-olmadığını bilmir. Hazırda faktla bağlı Binəqədi rayon Polis İdarəsi tərəfindən araşdırma aparılır.


Teqlər:





Xəbər lenti