Bunu AzVision.az-a açıqlamasında iqtisadçı-ekspert Vüqar Bayramov deyib. Onun sözlərinə görə, dollarla verilən kreditlərlə bağlı Mərkəzi Bank tərəfindən müəyyən güzəştlər və kompesasiya tətbiq edilməlidir, əks təqdirdə kreditlərin qaytarılmasında ciddi problem yaranacaq.
“Manatın məzənnəsi yumşaldıqdan sonra dollarla verilən kreditlərin geri qaytarılmasında çətinliklər olacaq. Bu vətəndaşların ödəmə qabiliyyətinə təsir göstərdiyi üçün kreditlərin geri qaytarılması ilə bağlı çətinliyinin olacağı gözlənilir. Bu da birmənalı şəkildə problemli kreditlərin artmasına gətirib çıxara bilər. Problemli kreditlərin həcminin artması birbaşa Mərkəzi Bankın prosesə müdaxiləsindən aslı olacaq”.
Ekspert hesab edir ki, Mərkəzi Bank dollar ilə kredit götürən vətəndaşlar üçün müəyyən güzəştlərin tətbiq edilməsi, həmin güzəştlər daxilində dollarla olan kreditlərin geri qaytarılmasını təmin edəcəksə, bu problemli kreditlərin həcminin kəskin artımına imkan verməyəcək.
“Əgər Mərkəzi Bank müdaxilə etməsə, problemli kreditlərin həcmində artımlar olacaq. Artımların faizi ilə bağlı konkret faiz müəyyən etmək çətindir. Amma bununla belə bu məsələ Mərkəzi Bankın müdaxiləsində asılı olacaq. Mərkəzi Bankın müdaxiləsi olmasa, 2015-ci ildə problemli kreditlərin həcmində artımlar olacaq”.
Manatın kəskin ucuzlaşmasından sonra İpoteka krediti ilə ev götürənlər üçün problem olacağına gəlincə, V.Bayramov narahatçılığa əsas olmadığını bildirib.
Xatırladaq ki, 2014-cü ilin sonunda Azərbaycanda geri qayıtmayan kreditlərin ümumi məbləği 1 milyard manatı ötüb.
Anar Kəlbiyev
Problemli kreditlərin sayı artacaq
03 Mart 2015
Oxunub:2402
“Azərbaycanda problemli kreditlərin həcmində artım olacaq”.
Vaxtında, Aydın, Lazımlı!
-1783098976.jpg&h=190&w=280&zc=1&q=100)
