Bu il Həcc ziyarətinin qiymətləri əvvəlki illərə nisbətən bahalaşıb. Belə ki, VİP xidmətlərlə Həcc ziyarəti 5750, adi xidmətlərlə isə 4700 dollar təşkil edəcək.
Qiymətlərin birdən-birə bahalaşması nə ilə bağlıdır?
Qafqaz Müsəlmanları İdarəsinin (QMİ) xarici əlaqələr şöbəsinin müdiri Müqəddəs Payızov AzVision.az-a bildirib ki, son aylarda dolların məzənnəsi dəyişdiyindən qiymətlərdə də bahalaşma olub.
M.Payızov onu da əlavə edib ki, qiymət bahalaşması həm də Səudiyyə Ərəbistanında bütün mehmanxanaların sökülməsi ilə əlaqədardır:
“Səudiyyə Ərəbistanında demək olar ki, bütün mehmanxanalar sökülüb, evlər az qalıb. Həm də Ərəbistanda da qiymətlər bahalaşdığından Həcc ziyarəti bahalaşıb. AZAL da biletlərin qiymətini 400-500 manat bahalaşdırıb. Ucuşları da AZAL həyata keçirdiyindən Həcc ziyarətinin də istər-istəməz qiyməti bahalaşıb”-deyə Müqəddəs Payızov bildirib.
Gültəkin ƏLƏSGƏR
Həcc ziyarəti dollara görə bahalaşıb - AÇIQLAMA
12 Mart 2015
Oxunub:2514
Vaxtında, Aydın, Lazımlı!
-1783098976.jpg&h=190&w=280&zc=1&q=100)
