Bu gün Bakı Ağır Cinayətlər Məhkəməsində həbsdə olan Hüquq Maarifçiliyi Cəmiyyətinin sədri İntiqam Əliyevin cinayət işi üzrə məhkəmə prosesi başa çatıb.
AzVision.az apa-ya istinadən xəbər verir ki, hakim Rasim Sadıqovun sədrlik etdiyi prosesdə İntiqam Əliyev son söz deyib.
İntiqam Əliyev çıxışında əsassız yerə həbs olunduğunu deyib. O, məhkəmə zamanı qaldırdıqları bütün vəsatətlərin təmin olunmadığını xatırladıb, ruhdan düşməyə ehtiyac olmadığını bildirib.
Bundan sonra məhkəmə müşavirəyə gedib.
Müşavirədən sonra hökm elan olunub. Hökmə əsasən, İntiqam Əliyev 3 il hər hansı vəzifə tutmaq hüququndan məhrum edilməklə 7 il 6 ay müddətinə azadlıqdan məhrum edilib.
İntiqam Əliyevə 7 il 6 ay həbs verildi
22 Aprel 2015
Oxunub:1667
Vaxtında, Aydın, Lazımlı!
