Komanda hesabında Azərbaycan yığması 3-cü yeri tutub.
Şağan Olimpiya Kompleksində ümummilli lider Heydər Əliyevin xatirəsinə həsr olunan boks üzrə yeniyetmələr arasında beynəlxalq turnirə yekun vurulub. Komandamız yarışda 3 qızıl, 2 gümüş və 4 bürünc medala sahib olub.
57 kq çəki dərəcəsində mübarizə aparan Elton Məmmədov finalda qazaxıstanlı Nurbol Sultanbayı məğlub edərək 1-ci yerə layiq görülüb.
Bəxtiyar Qazıbəyov da (60 kq) turniri 1-ci yerdə başa vurub. Həmyerlimiz həlledici görüşdə Türkiyə idmançısı Tuğrulxan Erdemir üzərində qələbə qazanıb – 3:0.
+80 çəki dərəcəsində çıxış edən Məhəmməd Abdullayev də fəxri kürsünün ən yüksək pilləxinə qalxıb. Milli komandamızın üzvü qazaxıstanlı Ardak Alimxanı məğlub edib – 3:0.
52 kq çəki dərəcəsindəki təmsilçimiz Niyaməddin Allahverdiyev yalnız finalda özbəkistanlı Murodjon Əliyevə uduzaraq (0:3) 2-ci olub.
Şaiq Məlikov da (70 kq) final görüşündən məğlub ayrılıb. Boksçumuz Daulet Zauşevə (Qazaxıstan) yenilib – 0:3.
Fərid Səfərli (46 kq), Cavid Hüseynov (48 kq), Polad Hüseynov (52 kq) və Orxan Həsənov (54 kq) isə yarımfinalda uduzaraq 3-cü yerlə kifayətləniblər.
Komanda hesabında Qazaxıstan 1-ci, Özbəkistan 2-ci, Azərbaycan isə 3-cü yeri tutub.
Qeyd edək ki, bu yarış mayın 15-dən 24-dək Ukraynanın Lvov şəhərində keçiriləcək yeniyetmələr arasında Avropa birinciliyinə hazırlıq xarakteri daşıyıb.
Boksçularımız 9 medal qazandı
30 Aprel 2015
Oxunub:1814
Teqlər:
Vaxtında, Aydın, Lazımlı!
-1732558345.jpg&h=190&w=280&zc=1&q=100)
-1732552478.jpg&h=190&w=280&zc=1&q=100)
-1732546920.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
