AZƏRTAC Washington Post qəzetinin araşdırmasına istinadla xəbər verir ki, ingilis dilində dünyanın 101 ölkəsində danışılır. İkinci yerdə ərəb dilidir. Altmış ölkənin əhalisi bu dildə ünsiyyət qurur. Sonrakı yerlərdə fransız (51 ölkə), Çin (33), ispan (31), fars (29), alman (18), rus (16) dilləri qərarlaşıb. Tədqiqatçılar ingilis, fransız və ispan dillərinin belə geniş yayılmasını bu dilin vətəni olan ölkələrin imperiya keçmişi ilə bağlı olduğunu bildirirlər.
Bundan əlavə, dünyanın 35 ölkəsində ingilis dili rəsmi dil kimi istifadə olunur. Ümumən isə ingilis dili dünyada ən çox öyrənilən dildir. Bu dili öyrənmək istəyənlərin sayı 1,5 milyard nəfərdir. İkinci yerdə 82 milyonla fransız dili dayanır. 30 milyon insan isə Çin dilini öyrənməyə çalışır.
Araşdırmada həmçinin bildirilir ki, hazırda dünyada 7102 canlı dil var. Elə dillər də var ki, onların daşıyıcılarının sayı 1000 nəfərdən də azdır. Belə dillərin əsrin sonunadək itəcəyi qeyd olunur.
Dünyada ən çox öyrənilən dilllər
17 May 2015
Oxunub:2799
Dünyada ən çox istifadə olunan ünsiyyət vasitəsi ingilis dilidir.
Teqlər:
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
