İlk olaraq xalça üzərinə təsnifat yarışından 66 kq çəki dərəsində Həsən Əliyev çıxıb. O, Gürcüstandan olan Saçino Davitaya ilə üzləşib. Təmsilçimiz 4:2 hesabı ilə qalib gələrək 1/8 finala vəsiqə qazanıb.

Bundan başqa bu gün xalça üzərinə 75 kq-da Elvin Mürsəliyev, 85 kq-da Saman Təhmasibi, 130 kq-da Sabah Şəriəti çıxacaqlar.

Qeyd edək ki, güləş yığmamızın aktivində 1 qızıl, 1 gümüş və 1 bürünc medal var.

***

Həsən Əliyev birinci Avropa Oyunlarına qələbə ilə başlayıb. Avropa və dünya çempionumuz gürcüstanlı rəqibi Saçino Davitayanı məğlub edərək 1/8 finala yüksəlib. Güləşçimizin növbəti rəqibi Xorvatiya idmançısı Daniel Janeciç olacaq.

***

75 kiloqram çəkidə güləşən Elvin Mürsəliyev 1/16 finalda Slovakiya təmsilçisi Riçard Riqo ilə üz-üzə gəlib. Görüş 8:0 hesabı ilə Azərbaycan təmsilçisinin xeyrinə başa çatıb.

***

Yunan-Roma güləşində 66 kq çəki dərəcəsindəki təmsilçimiz Həsən Əliyev 1/8 final mərhələsində Xorvatiya idmançısı Daniyel Yaneçiç ilə qarşılaşıb. Rəqibinə 5:0 hesabı ilə qalib gələn Həsən Əliyev 1/4 finala vəsiqə əldə edib.

***

75 kq çəki dərəcəsində mübarizə aparan təmsilçimiz Elvin Mürsəliyev 1/4 final mərhələsində Rumıniya idmançısı İonel Puskasu ilə qarşılaşıb. Güləşçimiz rəqibi ilə 2:2 hesablı bərabərə qalsa da, rumın güləşçinin hesabında bir xəbərdarlıq olduğundan növbəti mərhələyə Azərbaycan təmsilçisi vəsiqə qazanıb.

***
Həsən Əliyev 1/4 finalda Mixail Siamionau ilə (Belarus) üz-üzə gəlib. Görüş azərbaycanlı idmançının 3:0 hesabı ilə qalib gələrək yarımfinala çıxıb. Azərbaycanlı Sabah Şəriəti Mikola Kuçmini (Ukrayna) 8:0 hesabı ilə məğlub edərək 1/4 final mərhələsinə çıxıb. Saman Təhmasibi isə mübarizəni 1/8 final mərhələsində dayandırıb.

***

Azərbaycan təmsilçisi Sabah Şəriəti yarımfinal mərhələsində Belarus idmançısı İoseb Çuqoşvili ilə üz-üzə gəlib. Güləşçimiz 6:0 hesabı ilə qalib gələrək finala vəsiqə qazanıb.

Finalda onun rəqibi türk güləşçi Rza Kayaalpla qarşılaşacaq.
***

75 kq çəki dərəcəsində mübarizə aparan təmsilçimiz Elvin Mürsəliyev 1/4 final mərhələsində Rusiya təmsilçisi Çingiz Labazanovla qarşılaşıb.

Gərgin keçən döyüşdə güləşçimiz 4:2 hesabla qələbə qazanıb.

***

Elvin Mürsəliyev yarımfinalda Zurabi Datunaşvili (Gürcüstan) ilə üz-üzə gəlib. Azərbaycanlı idmançı görüşdə 3:2 hesabı ilə qalib gələrək finala çıxıb.