`Bu mükafatı halal zəhmətimlə qazandım`
I Avropa Oyunlarında ölkəmizə qızıl medal qazandıran güləşçimiz Elvin Mürsəliyev AzVision.az-a müsahibəsində bir sıra maraqlı məqamlara toxunub:
Qələbədən sonra sizi ilk kim təbrik edib?
- İlk öncə cənab prezident İlham Əliyev təbrik etdi. Medalı da şəxsən cənab prezident özü mənə təqdim etdi. Sonra gəldim telefonuma baxdım ki, xeyli zəng ediblər. Cənab prezident bildirdi ki, buradakı uğurun davamını Brazilyada keçiriləcək Olimpiya oyunlarında da gözləyəcək. Söz verdim ki, qalan vaxt ərzində çalışacam ki, orada da qızıl medal qazanım.
Birinci yerin qalibi olacağına inanırdınmı?
- Hazırlıq baxımından özüm də qızıl medal qazanacağıma inanırdım. Məhz bu yarışa yüksək səviyyədə hazırlaşmışdım.
Rəqiblərinizdən hansını özünüz üçün güclü rəqib sayırdız və hansısa biri ilə əvvəlki yarışlarda görüşmüşdüz?
- Gürcü rəqibimlə əvvəlki yarışlarda qarşılaşmışdım. Rus rəqibim ilə heç bir yarışda görüşməmişdim. Bir az ondan ehtiyyat edirdim. Ona da qalib gəldim.
Bir ildən sonra Braziliyada keçiriləcək Olimpiya Oyunlarına necə hazırlaşırsız?
- Bəli bir il vaxt qalıb. Bakıda keçirilən I Avropa Oyunlarına necə hazırlaşmışdıqsa, ondan da artıq səviyyədə Rio-da keçiriləcək Olimpiyadaya hazırlaşıram. İstəyirəm ki, Bakıdakı uğurumu Olimpiya oyunlarında da təkrarlayım.
İdmana gəlməyinizə hansı idmançının yarışlarının təsiri olub ?
- Mən yunan-roma güləşi üzrə məşqlərə başlayanda bu növ idman düzü o qədər də populyar deyildi. Həvəskar olaraq məşğul olmağa gəlmişdim. Elə oldu daha ciddi məşğul olmağa başladım. Daha sonra Fərid Mansurov Olimpiya çempionu olandan sonra daha da həvəs yarandı. Düşündüm ki, çalışmalıyam ki, Olimpiya oyunlarının çempionu olum.
Ailəlisiz ya subay?
- Xeyr hələ ailə qurmamışam.
Sirr deyilsə qazandığınız pul mükafatını hara xərcləyəcəksiz ?. Hər hansı bir plan varmı ?
- Qismət olsun mükafatı alsam yəqin ki, xeyir işlərə xərcləyərəm. Halal zəhmətimlə qazandım. Zəhmətlə qazanılan pulun dadı başqa cür olar. Elə bir planım yoxdur. İnşallah pulu alandan sonra planlar haqqında fikirləşmək olar.
Anar Kəlbiyev
Çempion aldığı 100 mini hara xərcləyəcək ? - Müsahibə
20 İyun 2015
Oxunub:48129
Vaxtında, Aydın, Lazımlı!
-1732558345.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
