DİN yol qəzasına uğrayan polislərlə bağlı məlumat yaydı

  07 İyun 2013    Oxunub : 594
 DİN yol qəzasına uğrayan polislərlə bağlı məlumat yaydı
Daxili İşlər Nazirliyi (DİN) dünən Bakıda polis əməkdaşlarının törətdiyi yol qəzası ilə bağlı məlumat yayıb
AzVision.az-nın nazirliyin saytına istinadən verdiyi məlumata görə, iyunun 6-da saat 13.00 radələrində Sabunçu rayonu ərazisində Bakı şəhər sakini Sərdar Əhmədovun idarə etdiyi "VAZ-21011" markalı və Sumqayıt Şəhər Polis İdarəsinin əməkdaşı, polis leytenantı Nəriman Nərimanovun idarə etdiyi "VAZ-21015" markalı avtomobillər toqquşub. Nəticədə xəsarət alan S. Əhmədov və sərnişinləri, Bakı şəhər sakinləri Xəyal Həsənov, Əli Paşayev xəstəxanaya, N.Nərimanov və sərnişinləri, Sumqayıt Şəhər Polis İdarəsinin əməkdaşları, polis kapitanı Bəbir Alxanlı, polis serjantı Tural Məmmədov və baş serjant Çingiz Azadəliyev isə DİN-nin Hospitalına yerləşdiriliblər.

Sabunçu Rayon Polis İdarəsi tərəfindən araşdırma aparılır.

Teqlər: