`Haqlı olan Azərbaycandır`

`Haqlı olan Azərbaycandır`
  10 İyun 2013    Oxunub:1087
Bosniya və Herseqovinanın xarici işlər naziri Zlatko Laqumçiya Ermənistan-Azərbaycan münaqişəsində ölkəmizin haqlı mövqeyini dəstəklədiyini vurğulayıb.
`Bosniya və Herseqovinanın xarici işlər naziri Zlatko Laqumçiyanın Azərbaycana səfəri davam edir . Səfər çərçivəsində o, Azərbaycanın xarici işlər naziri Elmar Məmmədyarovla görüşüb. Görüşdən sonra keçirilən brifinqdə ölkəmizin xarici siyasət idarəsinin rəhbəri görüşün yekunları ilə bağlı ətraflı məlumat verib.

XİN başçısı Azərbaycanla Bosniya və Herseqovina arasında ikitərəfli əlaqələrin yüksək səviyyədə olduğunu vurğulayıb.
İki ölkə arasında iqtisadi, enerji, turizm, humanitar, mədəni sahələrdə əməkdaşlıq üçün geniş potensialın olduğunu qeyd edib və iqtisadi əməkdaşlığın genişləndirilməsinə zəmin hazırlamaq məqsədilə müqavilə-hüquq bazasının möhkəmləndirilməsinin əhəmiyyətini vurğulayıb.

Nazir, həmçinin əməkdaşlığın genişləndirilməsi üçün birgə hökumətlərarası komissiyanın yaradılması və ikiqat vergitutmanın aradan qaldırılması və investisiyaların qorunması üzrə sazişlərin hazırlanmasının zəruriliyini də diqqətə çatdırıb.

Elmar Məmmədyarov, Bosniya və Herseqovina parlamentinin Xocalı soyqırımının tanınması və “Azərbaycanın ərazi bütövlüyü və suverenliyinin tanınması və onlara hörmətlə yanaşılması” barədə qətnamə qəbul etdiyini xatırladıb. Xocalı Soyqırımına dair qətnamənin qəbul olunmasını yüksək qiymətləndirib və təşəkkürünü bildirib.

“Bizim ikitərəfli əməkdaşlığı inkişaf etdirmək üçün geniş plan və imkanlarımız var. Nazirin ölkəmizə səfəri münasibətlərimizi inkişaf etdirmək üçün yeni imkanlar açacaq”-deyə nazir vurğulayıb.

Bosniyalı nazir isə Bakı və Sarayevonun 30 ildən artıqdır qardaşlaşmış şəhərlər olduğunu diqqətə çatdırıb. Qeyd edib ki, ölkəsi Azərbaycanın biznes mühitində aktiv təmsil olunmasında, iqtisadiyyat, mədəniyyət, təhsil, energetika, infrastruktur sahəsində əməkdaşlığın inkişafında maraqlıdır.

Zlatko Laqumçiya Azərbaycanla siyasi sahədə yüksək əməkdaşlığın mövcud olduğunu və Bosniya parlamentinin fevral ayında qəbul etdiyi qətnamənin Bosniyalı nazir, həmçinin Heydər Əliyev Fondunun Bosniya və Herseqovinada həyata keçirdiyi humanitar layihələri yüksək qiymətləndirib və təşəkkürünü bildirib. Nazir qeyd edib ki, bu kimi layihələrin reallaşması ikitərəfli əlaqələri daha da möhkəmlədir.

Qeyd edək ki, Görüşdə bir sıra iqtisadi məsələlərin, o cümlədən Azərbaycanın Bosniya və Herseqovinada dəmir yolunun tikintisində iştirakı məsələsinin müzakirə olunub.

AzVision.az


Teqlər:  





Xəbər lenti