Mənəvi gücünüzü TEST

Mənəvi gücünüzü TEST edin

01:09 13 İyun 2013 Oxunub:5966

Nə qədər xoşbəxt, optimist bir insan olsaq da həyatda müəyyən xoşagəlməz hadisələr, problemlərlə üzləşirik. Bəzən bu problemlər fiziki cəhətdən yorucu olmaqla yanaşı, mənəvi cəhətdən də tükədici ola bilər. Məsələnin fiziki tərəfi bizim fiziki gücümüzə bağlıdır. Bəs mənən necə dözümlüyükmü?

AzVision.az-ın təqdim etdiyi testin suallarını ,,bəli” və ,,xeyr” deyə cavablandırın. Hər “bəli cavabı üçün 1 bal verin.

1. Müsbət hadisələrin əvvəlcə zövqünü yaşayıram,neqativ hadisələrdən dərs çıxarıram.

2. Qarşımda qoyduğum məqsədimə çata bilmədiyim üçün narahat olmuram,planlı, nizamlı və səbirlə çalışaraq hədəfimə çataram .

3. İnsanları ürəkdən sevirəm, maraqlandığım kifayət qədər dostum var.

4. Özümü başqaları ilə müqayisə etmərəm,öz- özümlə yarışaraq, əlimdəki dəyərlərin fərqinə vararaq şükr edərəm .

5. Müqəddəs hisslər içində səssizliyə çəkilə bilər, ürəkdən dua edə bilərəm.

6. Boş oturmağı, lazımsız yuxu, yararsız məşğuliyyətləri sevmirəm.

7. Mən və başqaları xəta edəndə bilərəkdən gec reaksiya verər, səbəbləri analiz edərək məntiqli mövqe tutaram .

8. Haqsızlıq etməməyə diqqət edərəm, amma qarşıma çıxan hər kəsi razı etmək məcburiyyətində deyiləm.

9. Özümü ,,Mənliyim”lə birgə mənimsəyər, özümə dəyər verər, inkişafıma diqqət yetirərəm.

10. Keçmiş neqativ hadisələrdən dərs alıb tezliklə unudaram və həmişə gələcəyə baxaram.

11. Pulu dəhşətli dərəcədə sevmirəm, israfdan kenar durar, eqoist zövqümün əsiri olmaram.
12. Ən çətin şərtlərdə Allaha və bacarıqlarıma güvənər,daxilə qapanmaq əvəzinə fəaliyyətə keçərəm.

Nəticələrlə tanış olun:

1-3 bal: Özünüzü çox narahat hiss edirsiniz, ruhi gücünüz çox aşağıdır. Bu baxımdan dəyişməlisiniz.Özünə güvəninizi artırmağa çalışın.

4-7 bal: Həyat yavaş-yavaş sizə ağır gəlməyə başlayır.Müsbət tərəflərinizi inkişaf etdirin.

8 və daha çox : Çox güclüsünüz.Asanlıqla məğlub olmazsınız. Həyatı sizinlə bölüşmək çox gözəldir.

Səbinə Həsənova
AzVision.az

Teqlər: