AzVision.az xəbər verir ki, lent.az-a açıqlama verən polis polkovniki R.Albabayev S.Düsturovun iddialarının əsassız olduğunu deyib: “O, iki aya yaxındır ki, bizim bölmədə çalışır. Həmin gün xidmətə gələndə sərxoş olduğu müəyyən edilib və xidmətdən kənarlaşdırılıb. Ona qarşı hər hansı kobudluq edilməyib. Mən uşaq deyiləm ki, polis zabitinə əl qaldırım... Sərxoş vəziyyətdə xidmətə gəldiyi üçün cəzalandırılıb və barəsində Daxili İşlər Nazirliyində müvafiq araşdırmalara başlanılıb. Bildiyimə görə, əvvəl işlədiyi yerlərdə də problemləri olub”.

Qeyd edək ki, bu gün qafqazinfo.az saytında 25-ci polis bölməsinin əməliyyat müvəkkili, polis baş leytenantı, 1989-cu il təvəllüdlü Səməd Düsturovun rəisi tərəfindən döyülməsi və döyülməsi haqqında raport yazması barədə məlumat verilib.

O bildirib ki, noyabrın 26-da saat 00:30 radələrində 25-ci polis bölməsində bölmə rəisi onu öz xidməti otağında müavini ilə birlikdə döyüb. Hadisə nəticəsində baş leytenant S.Düsturov xəsarət alıb. O, 3 saylı Şəhər Klinik Xəstəxanasında tibbi yardım aldıqdan sonra buraxılıb.