İyunun 22-24-də Çin Xalq Respublikasının Cinan şəhərində Beynəlxalq Antikorrupsiya Orqanları Assosiasiyasının (İAACA) “Texniki yardım və məlumat mübadiləsi” mövzusunda 5-ci seminarı keçirilib.
Dünyanın 70-dən çox ölkəsinin nümayəndələrinin, Birləşmiş Millətlər Təşkilatının Narkotiklər və Cinayətkarlıq üzrə İdarəsinin (UNODC), Beynəlxalq Prokurorlar Assosiasiyasının, həmçinin ədliyyə, məhkəmə, prokurorluq orqanları rəhbərlərinin və digər beynəlxalq təşkilatların əməkdaşlarının iştirak etdiyi tədbirdə ölkəmizi Azərbaycan Respublikasının Baş prokuroru yanında Korrupsiyaya qarşı mübarizə idarəsinin Təşkilati və informasiya təminatı şöbəsinin rəisi Rövşən Əliyev və Daxili təhlükəsizlik xidmətinin rəisi Elşən Abbasov təmsil ediblər.
Mərasimin təntənəli açılışında Çin Xalq Respublikasının Baş prokuroru, İAACA-nın prezidenti Çao Cianminq, Beynəlxalq Prokurorlar Assosiasiyasının prezidenti Ceyms Hamilton və digər şəxslər çıxış ediblər.
Tədbirin plenar iclaslarında Avstriya Respublikasının Baş prokuroru, Belarus Respublikasının Baş prokuroru, eyni zamanda ölkəmizin nümayəndə heyətinin üzvləri və digər iştirakçı dövlətlərin səlahiyyətli nümayəndələri cinayətkarlığın, o cümlədən korrupsiyanın qarşısının alınmasında texniki yardım və məlumat mübadiləsinə dair mühazirələr və təqdimatlarla çıxış ediblər.
Azərbaycan nümayəndə heyətinin üzvləri iştirakçı dövlətlərin nümayəndələri ilə görüşlər keçirərək son illərdə korrupsiyaya qarşı mübarizə sahəsində ölkəmizdə həyata keçirilən qanunverici və praktiki islahatlar, əldə edilmiş nailiyyətlər barədə ətraflı məlumat verib, səmərəli təcrübə mübadiləsi aparıblar.
Baş prokuror seminarda çıxış edib
28 İyun 2013
Oxunub:1537
Beynəlxalq Antikorrupsiya Orqanları Assosiasiyası ilə əməkdaşlıq genişlənir
Teqlər:
Vaxtında, Aydın, Lazımlı!
-1730574775.jpg&h=190&w=280&zc=1&q=100)
-1730573738.jpg&h=190&w=280&zc=1&q=100)
-1730572226.jpg&h=190&w=280&zc=1&q=100)
-1730458422.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
