`Ulduz müharibələri` `Avatar`ın rekordunu qırdı – 760,5 milyon

`Ulduz müharibələri` `Avatar`ın rekordunu qırdı – 760,5 milyon
  07 Yanvar 2016    Oxunub:3042
`Ulduz müharibələri`nin kinosaqasının yeddinci epizodu ABŞ bazarında kinoteatrlardan əldə etdiyi gəlirlərin həcminə görə Ceyms Kemeronun `Avatar`ını geridə qoyub.
AzVision.az `Reuters`ə istinadən xəbər verir.

Hazırda film təkcə ABŞ bazarından 760,5 milyon dollar gəlir götürüb.

Rekord `Gücün oyanışı` filimin premyerasından 20 gün sonra qırılıb.

Bu arada hələ ki, dünya üzrə rekord `Avatar` filminə məxsusdur. Belə ki, film dünya kinoteatrlarında 2,8 milyard dollar həcmində gəlir əldə edib. Hazırda `Ulduz müharibələri: Gücün oyanışı` filminin kassasında isə 1,6 milyard dollar vəsait var.

Qeyd edək ki, "Ulduz müharibələri" filminin 7-ci epizodu 6-cı epizodda baş verən hadisələrdən 30 il sonranı təsvir edir. Filmin rejissoru J.J.Abramsdır. "Walt Disney" studiyası "Ulduz müharibələri" filminin sahibi olan "Lucasfilm" studiyasını 4 milyard dollara almışdı.

Eldar Tanrıverdiyev
AzVision.az


Teqlər:





Xəbər lenti


Azvision.az ©2014 | Bütün hüquqları qorunur