Di Kaprio altıncı dəfə “Oscar”a namizəd oldu

Di Kaprio altıncı dəfə “Oscar”a namizəd oldu
  15 Yanvar 2016    Oxunub:3071
Los-Ancelesdə “Oscar” mükafatına namizədlərin adları açıqlanıb.
AzVision.az oxu.az-a istinadən xəbər verir ki, “ən yaxşı aktyor” adı uğrunda Leonardo Di Kaprio (“Sağ qalan”), Brayan Krenston (“Trambo”), Mett Deymon (“Marslı”), Maykl Fassbender (“Stiv Cobs”) və Eddi Redmeyn (“Danimarkadan olan qız”) mübarizə aparır.

“Ən yaxşı aktrisa” Keyt Blanşett (“Kerol”), Bri Larson (“Otaq”), Cennifer Lourens (“Coy”), Şarlotta Remplinq (“45 il”) və Sirşa Ronan (“Bruklin”) ola bilər.

“Ən yaxşı rejissor” kateqoriyasında Tomas Makkarti (“Diqqət mərkəzində”), Adam Makkey (“The Big Short”), Corc Miller (“Dəlisov Maks: Qəzəb yolu”), Aleksandro Qonsales İnyarritu (“Sağ qalan”) və Leonard Abrahamson (“Otaq”) kimi rejissorların adları qeyd olunur.

“The Big Short”, “Casus körpüsü”, “Dəlisov Maks: Qəzəb yolu”, “Marslı”, “Sağ qalan”, “Otaq” və “Diqqət mərkəzində” “Ən yaxşı film" nominasiyasında “Oskar”a namizəd kimi irəli sürülüb.

Xatırladaq ki, bundan əvvəl Di Kaprio “Hibert Qreypi nə narahat edir?”, “Aviator”, “Qanlı almaz” və “Uol-stritt canavarı” filmlərində baş rola görə “Oscar” namizəd göstərilib.

AzVision.az


Teqlər:  





Xəbər lenti