İpək Yolu YUNESKO-nun siyahısında

 İpək Yolu YUNESKO-nun siyahısında
  04 İyul 2013    Oxunub:1022
YUNESKO “Böyük İpək Yolu” Beynəlxalq Gənclər İttifaqını rəsmi olaraq özünün “İpək Yolu layihəsi”çərçivəsində əməkdaşlıq etdiyi təşkilatların siyahısına daxil edib.
Bu barədə AzVision.az-a təşkilatın mətbuat xidmətindən məlumat verilib. Nüfuzlu beynəlxaq təşkilatın bu layihəsi indiyə qədər yalnız 10 təşkilatı özünün rəsmi məlumat bazasına daxil edib. “Böyük İpək Yolu” BGİ bununla da YUNSEKO tərəfindən tanınan növbəti qurum olub.

Qeyd edək ki, BMT-nin təhsil, elm və mədəniyyət məsələləri üzrə təşkilatı – YUNESKO tarixi "İpək yolu” ilə bağlı layihələrində
dünya sivilizasiyaları tarixinin inteqral araşdırılması, Şərq və Qərb arasında sıx mədəni əlaqələrin yeni düzəndə bərpası, Avrasiya kontinentindəki dövlətlərin və xalqların qarşılıqlı münasibətlərinin dərinləşdirilməsi nəzərdə tutur. Dünya ictimaiyyəti Böyük İpək yolu intibahını planetin Şərq yarımkürəsindəki sivilizasiyaların iki minillik dialoqunun təzələnməsi və daha geniş qlobal məkana açılması kimi dəyərləndirir. Bu yolun üzərində və qollarında dünya mədəniyyətinin ən möhtəşəm maddi və mənəvi abidələri yaradılıb.

AzVision.az


Teqlər:  





Xəbər lenti