Xocalı faciəsinin anım günü - fevralın 26-da Park Cinema kinoteatrlar şəbəkəsində “Yarımçıq xatirələr” və “Xoca” filmləri pulsuz olaraq bütün tamaşaçılara nümayiş olunacaq. Həmçinin komediya janrında olan bütün filmlər və multfilmlər repertuardan çıxarılacaq.
Elxan Cəfərovun Yarımçıq xatirələr filmi “Azərbaycanfilm” kinostudiyasına aiddi. Brest qalasını faşistlərdən qoruyan və 50 il sonra Qarabağı erməni işğalçılarından müdafiə etməyə qalxmış veteran Azəri erməni cəbhəsində vuruşan rus zabiti Vanya öldürür. Rus zabiti qocanın gündəliyini tapır, onun babası ilə vuruşduğunu öyrənir. Və onun meyitini Azərbaycan tərəfinə verməsi üçün öz həyatını təhlükəyə atır. Filmin süjet xəttinin digər hissəsi isə veteranın gündəliyi üzrə II Dünya Müharibəsidir.

Xoca - 2012-ci ildə çəkilmiş “Xoca” filmi faktlar əsasında lentə alınıb. Filmin rejissoru və ssenari müəllifi Azərbaycan rejissoru və hərbi reportyoru Vahid Mustafayevdir. İki gənc - Əliəkbər və Günel ərizə verib, Bakıda nikah növbəsinə dayanırlar. Nikah və toy mərasimini 1992-ci il fevralın 25-də keçirmək qərara alınandan sonra kəşfiyyat zabiti Əliəkbər dərhal xidmət etdiyi Qarabağa-Xocalıya qayıdır. Toy təyin edilən gün bəy libasında Bakıya yollanan Əliəkbər, döyüşçü dostları Yura Çyornıy və Arzu, eləcə də Əliəkbərin ailə üzvləri, Xocalının ermənilər tərəfindən tam mühasirəyə alındığını görür. Əliəkbər çətin seçim qarşısında qalır, Bakiya toya getsin və ya Xocalıda qayıdıb dostları ilə şəhəri və əhalini müdafiə etsin. Bu sualın cavabını ürəyi verir...

Xoca filmin seansları:

Park Bulvar – 14:00, 16:00, 22:00; MetroPark - 13:30, 17:30, 21:30; Flame Towers – 12:00, 16:00, 20:00, 00:00; Zaqulba – 10:50

Yarımçıq xatirələr filmin seansları:

Park Bulvar – 12:00, 16:00, 20:00, 0:00; MetroPark - 11:30, 15:30, 19:30, 23:30; Flame Towers – 14:00, 18:00, 22:00; Zaqulba – 12:50

Eldar Tanrıverdiyev
AzVision.az