İDEA Kampaniyasının fəaliyyətinin ikinci ili tamam olur

  13 İyul 2013    Oxunub : 259
İDEA Kampaniyasının fəaliyyətinin ikinci ili tamam olur
İyulun 12-də İDEA (International Dialogue for Environmental Action) Kampaniyasının fəaliyyətinin ikinci ili tamam olur.
AzVision.az AzərTAc-a istinadən xəbər verir ki, İDEA Kampaniyasından bildiriblər ki, ekoloji mühitin qorunması üzrə regional və beynəlxalq əməkdaşlıq şəbəkəsi quran bu kampaniya ötən iki il ərzində bir çox uğurlara imza atıb.

Kampaniya fəaliyyət göstərdiyi qısa müddətdə 10-a yaxın beynəlxalq, 50-dən çox yerli layihə həyata keçirib.

İDEA Beynəlxalq Kampaniyası hazırda WWF, UNEP, Webistan kimi nüfuzlu qurumlar, ümumilikdə isə iyirmiyə qədər beynəlxalq və 30-a qədər yerli təşkilatlarla əməkdaşlıq edir.

Kampaniyanın əsas fəaliyyət istiqaməti ətraf mühit problemlərinin yerli və beynəlxalq səviyyədə həllinə nail olmaq üçün gənclərin real və virtual şəbəkəsini yaratmaq, onları Yer kürəsinin üzləşdiyi ekoloji problemlər haqqında məlumatlandırmaq və bu sahədə yerli və beynəlxalq layihələr həyata keçirməkdir.

İDEA Kampaniyası 12 iyul 2011-ci ildə Heydər Əliyev Fondunun vitse-prezidenti Leyla xanım Əliyeva tərəfindən yaradılmışdır.

Teqlər: