Bunu AzVision.az-a "Azərbaycan Dəmir Yolları" QSC-nin mətbuat xidmətinin rəhbəri Nadir Əzməmmədov deyib. Onun sözlərinə görə, kino çəkişilişləri məmur fəaliyyətinə mane olmur.
“Bizim o qədər məmurlarımız var ki, yaradıcı fəaliyyətlə məşğul olurlar. Şeir yazırlar, mahnı bəstələyirlər və s. Mən də kino sahəsində uzun illər çalışmış insanam, filmlərə çəkilmişəm. Filmin rejissoru Rövşən İsaq məni dəvət etdi ki, “çoxdandır filmə çəkilmirsən, gəl, seriala çəkil”. Rövşən İsaq ölkədə teleserialın əsasını qoyanlardandır. Professional rejissor olduğuna görə,təklifin qəbul etdim. Bundan əvvəl onun “Sonuncu fəsil” serialında Mamed obrazında çəkilmişəm”.
N.Əzməmmədov seriala işdən sonra çəkildiyini deyib: “Mənim obrazımda çəkilişlər işdən sonra aparılır. Belə razılığa gəlmişik. Yəni işimə maneçilik yaratmır. “Vicdan haqqı” serialında dünən ilk dəfə mənim obrazım efirə verildi və bu, davamlı olacaq”.
Qeyd edək ki, Nadir Əzməmmədov ATV telekanalında yayımlanan məşhur “Vicdan” haqqı" serialında Saleh Rzayev obrazını canlandırır.
Mətbuat katibi bundan öncə rejissor Rövşən İsaqın “Sonuncu fəsil” serialında Mamed obrazında çəkilib. Nadir Əzməmmədov "Nəsimi", "Qara Volqa", "Asif, Vasif, Ağasif","Od içində", "Yaramaz" və s. kimi filmlərdə də rol alıb.
Aytən Zəhra
AzVision.az
`İşdən sonra seriala çəkilirəm` - Mətbuat katibi
04 İyun 2016
Oxunub:6335
“Rejissor Rövşən İsaq məni “Vicdan haqqı” serialına çəkilməyə dəvət etdi. Mən də onun təklifini dəyərləndirdim”.
Vaxtında, Aydın, Lazımlı!
-1732558345.jpg&h=190&w=280&zc=1&q=100)
-1732552478.jpg&h=190&w=280&zc=1&q=100)
-1732546920.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
