Bu barədə AzVision.az-a Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) məlumat verilib.

Agentliyin 12 iyun tarixi üçün hesabatı:

Tərtər rayonu

Cəmilli kəndi - 1 əkin və 1 otlaq sahəsində 5 partlayış yerinə baxış keçirilib, 1 ədəd partlamamış hərbi sursat (9M22U raketinin (Qrad) mühərrik hissəsi) aşkar edilərək götürülüb, nəticə etibarı ilə 9 000 kv. m ərazi yoxlanılıb.

Şıxarx kəndi - 1 ev və həyətyanı sahə, 1 əkin sahəsində 9 partlayış yerinə baxış keçirilib, partlamamış hərbi sursat aşkar edilməyib, nəticə etibarı ilə 15 000 kv. m ərazi yoxlanılıb.

Füzuli rayonu

Horadiz şəhəri - 2 otlaq sahəsində 2 partlayış yerinə baxış keçirilib, 4 ədəd BM-21 raketi partlamış vəziyyətdə aşkar edilib, nəticə etibarı ilə 1 880 kv. m ərazi yoxlanılıb.

Qazaxlar kəndi - 1 ev və həyətyanı sahədə 1 partlayış yerinə baxış keçirilib, 1 ədəd tank əlehinə raketin (PQ-9) partlamış qalıqları aşkar edilib, nəticə etibarı ilə 510 kv. m ərazi yoxlanılıb.

Mingəçevir rayonu

Mingəçevir şəhəri - 502 Saylı Məcburi köçkün yataqxanasının həyətindəki naməlum obyektə baxış keçirilib, məlum olub ki, həmin obyekt əleyhqaz qurğusunun filtr hissəsidir. Obyekt ərazidən götürülüb, nəticə etibarı ilə 3 000 kv. m ərazi yoxlanılıb.

(Mingəçevir Rayon Polis idarəsinin və FHN-nin Böhran Vəziyyətlərində İdarəetmə mərkəzinin məlumatı)

12 İyun tarixində 2 ev və həyətyanı sahə, 1 əkin sahəsi, 3 otlaq sahəsi, 19 partlayış yerinə baxış keçirilib, 1 ədəd partlamamış hərbi sursat (9M22U raketinin (Qrad) mühərrik hissəsi) aşkar olunaraq götürülüb və gün ərzində 29 390 kv. m ərazi təmizlənib.

Ümumilikdə Agentlik tərəfindən 7 Aprel - 12 İyun 2016-cı il tarixlərində Zərdab, Tərtər, Ağcabədi, Ağdam, Füzuli, Goranboy, Tovuz, Samux, Şəmkir, Cəlilabad, Ucar, Astara rayonlarında, Mingəçevir, Sumqayıt və Bakı şəhərlərində 595 ev və həyətyanı sahə, 2 hərbi hissə, 2 kənd qəbiristanlığı, 5 kənd orta məktəbi, 1 tibb məntəqəsi, 22 ferma, əkin sahələri və 1 çaxır zavodu ərazisinə baxış keçirilib, 1 522 ədəd partlamamış hərbi sursat, 11 ədəd piyada əleyhinə mina (PMN), 3 ədəd piyada əleyhinə POMZ-2 və 7 ədəd tank əleyhinə mina aşkar olunaraq zərərsizləşdirilib.

Hal-hazırda Agentlik tərəfindən yaradılmış xüsusi təyinatlı mobil çevik qrupları minaaxtaran itlərin dəstəyi ilə təmas xəttində yerləşən kəndlərdəki evlərlə yanaşı məktəblər və digər obyektlərin yerləşdiyi ərazilərdə əməliyyatları davam etdirir.

AzVision.az