Tərtərdə top mərmisi aşkarlanıb

Tərtərdə top mərmisi aşkarlanıb
  22 İyun 2016    Oxunub:1257
Tərtər rayonunda partlamamış hərbi sursatlar aşkar olunub.
Bu barədə Azərbaycan Ərazilərinin Minalardan Təmizlənməsi üzrə Milli Agentliyindən (ANAMA) məlumat verilib.

Agentlikdən bildirilib ki, iyunun 22-də rayonda 1 ferma, 4 əkin sahəsi, 9 partlayış yerinə baxış keçirilib, 2 ədəd partlamamış hərbi sursat (122 mm-lik top mərmisinin partladıcısı) aşkar olunaraq götürülüb və gün ərzində 10670 kv.m ərazi təmizlənib.

Məlumata əsasən, Tərtər rayonunun Cəmilli kəndində 1 fermada 5 partlayış yerinə baxış keçirilib, 2 ədəd partlamamış hərbi sursat (122 mm-lik top mərmisinin partladıcısı) aşkar edilərək götürülüb, 7500 kv.m ərazi yoxlanılıb.

Füzuli rayonunun Horadiz kəndində 4 əkin sahəsində 4 partlayış yerinə baxış keçirilib, partlamamış hərbi sursat aşkar edilməyib. Kəndin 3170 kv.m ərazisi yoxlanılıb.

Hazırda ANAMA-da yaradılan xüsusi təyinatlı mobil çevik qruplar minaaxtaran itlərin dəstəyi ilə təmas xəttində yerləşən kəndlərdəki evlərlə yanaşı məktəblər və digər obyektlərin yerləşdiyi ərazilərdə əməliyyatları davam etdirir.

Qeyd edək ki, ümumilikdə agentlik aprelin 7-dən iyunun 22-dək Zərdab, Tərtər, Ağcabədi, Ağdam, Füzuli, Goranboy, Tovuz, Samux, Şəmkir, Cəlilabad, Ucar, Astara rayonlarında, Mingəçevir, Sumqayıt və Bakı şəhərlərində 619 ev və həyətyanı sahə, 2 hərbi hissə, 2 kənd qəbiristanlığı, 5 kənd orta məktəbi, 1 tibb məntəqəsi, 24 ferma, əkin sahələri və 1 çaxır zavodu ərazisinə baxış keçirib, 1 544 ədəd partlamamış hərbi sursat, 14 ədəd piyada əleyhinə mina (PMN), 3 ədəd piyada əleyhinə POMZ-2 və 8 ədəd tank əleyhinə mina aşkar olunaraq zərərsizləşdirilib.

AzVision.az


Teqlər:  





Xəbər lenti