AzVision.az xəbər verir ki, bu barədə sabiq səfir öz Twitter səhifəsində yazıb.
“Bu gün baş verən hadisə Putinin gələcək xarici siyasəti üçün böyük qələbədir. Ona haqqı olanı verin”, - deyə sabiq diplomat yazıb.
Makfol hesab edir ki, Britaniyanın Aİ-dən çıxması barədə qərarda birbaşa Putinin rolu olmasa da bu “şübhəsiz Rusiya liderinin uzunmüddətli maraqlarına xidmət edir”.
“Putin Varşava müqaviləsi və SSRİ-nin dağılmasından şikayətləndirdi. Buna görə də o, Avropa Birliyində parçalanmaya görə şaddır”, - deyə Makfol bildirib.
Qeyd edək ki, Böyük Britaniyanın Avropa İttifaqının (Aİ) üzvlüyündən çıxması ilə bağlı ötən gün keçirilən referendumun nəticələri məlum olub.
Məlumata əsasən ölkənin Aİ-dən çıxmasının tərəfdarları 16,7 milyon seçici baryerini keçib. Ölkə üzrə 382 dairədən 175-nin nəticələrinə əsasən, seçicilərin 51,3 faizi Birləşmiş Krallığın Avropa İttifaqından çıxmasının tərəfdarıdır. Ölkənin Aİ-də qalmasını istəyənlər isə 48,7 təşkil edir.
Şeffild, Blekpul, Qosport, Milton Kins kimi şəhərlərin sakinləri Britaniyanın Avropa İttifaqından çıxmasını dəstəkləyiblər.
Eldar Tanrıverdiyev
AzVision.az
`Britaniyanın Avropa İttifaqından çıxması Putinin qələbəsidir`
24 İyun 2016
Oxunub:8746
ABŞ-ın Rusiyadakı sabiq səfiri Maykl Makfol Böyük Britaniyanın Avropa İttifaqından çıxması ilə bağlı referendumun nəticələrini Rusiya prezidenti Vladimir Putinin qələbəsi kimi qiymətləndirib.
Vaxtında, Aydın, Lazımlı!
