AzVision.az xəbər verir ki, Azərbaycan Respublikasının Prezidenti cənab İlham Əliyevin siyasi iradəsinə uyğun olaraq Azərbaycan Respublikasının prokurorluq orqanları bugün bir sıra nüfuzlu beynəlxalq təşkilatlar, o cümlədən İqtisadi Əməkdaşlıq və İnkişaf Təşkilatının (OECD) Şərqi Avropa və Mərkəzi Asiya ölkələri üçün Anti-Korrupsiya Şəbəkəsi (ACN) ilə səmərəli əməkdaşlığını uğurla davam etdirir.

Cari ilin 21-22 aprel tarixlərində Fransa Respublikasının paytaxtı Paris şəhərində İqtisadi İnkişaf və Əməkdaşlıq Təşkilatının (OECD) Şərqi Avropa və Mərkəzi Asiya ölkələri üçün Anti-Korrupsiya Şəbəkəsinin (ACN) Rəhbər Qrupunun 20-ci görüşündə IV Monitorinq Raundu üzrə qabaqcıl ölkələr kimi Azərbaycan Respublikasının Gürcüstanla yanaşı monitorinq mərhələsinə daxil olması müəyyən edilib.

20-24 iyun 2016-cı il tarixlərində Şəbəkənin on nəfərdən ibarət ekspert qrupunun ölkəmizdə səfərdə olub.

IV Monitorinq mərhələsi çərçivəsində ekspert qrupunun üzvləri ilə bir sıra dövlət orqanlarının nümayəndələri, eləcə də müxtəlif rayon (şəhər) və apellyasiya məhkəmələrinin hakimləri arasında anti-korrupsiya siyasəti və qurumları, biznesdə dürüstlük, korrupsiyaya dair cinayət qanunvericiliyi və onun praktikada tətbiqi, dövlət qulluğunda dürüstlük, korrupsiya cinayətlərinin ibtidai istintaqı, dövlət ittihamının müdafiə edilməsi və cəzalandırılma, dövlət rəsmilərinin dürüstlüyü, məhkəmə sistemində və prokurorluqda dürüstlük, təhsil sektorunun ətraflı qiymətləndirilməsi, dövlət idarəçiliyində məsuliyyət və şəffaflıq, dövlət satınalmalarında şəffaflıq adlı müzakirə panellərində görüşlər və müzakirələr keçirilib.

Bundan əlavə, ekspert qrupunun üzvləri Azərbaycan Respublikasının Milli Məclisi, Təhsil Nazirliyi və Maliyyə Bazarlarına Nəzarət Palatasına səfər edərək bir sıra görüşlər keçirb, 5 saylı ASAN xidmət mərkəzinin fəaliyyəti ilə yaxından tanış olublar.

Sonda Azərbaycan üzrə müvafiq monitorinq hesabatı Şəbəkənin 2016-cı ilin 14-16 sentyabr tarixlərində Fransanın Paris şəhərində keçirəcək növbəti iclasında qəbul edilməsi nəzərdə tutulub.

AzVision.az