BQXK sərhədi keçən erməni haqqında məlumatlandırıldı

  15 Avqust 2016    Oxunub : 1213
BQXK sərhədi keçən erməni haqqında məlumatlandırıldı
Azərbaycan hakimiyyət nümayəndələri Beynəlxalq Qızıl Xaç Komitəsini (BQXK) beynəlxalq sərhədi keçərək Azərbaycan ərazisinə daxil olan Ermənistan vətəndaşı haqda məlumatlandırıblar.
AzVision.az xəbər verir ki, bu barədə news. am saytına açıqlamasında BQXK İrəvan nümayəndəliyindən bildirilib.

Qeyd olunub ki, komitə öz mandatına uyğun məsələni diqqətdə saxlayacaq.

Qeyd edək ki, erməni əsilli 1954-cü il təvəllüdlü Agetsyan Henrik Sayerbekoviç avqustun 7-də Sədərək istiqamətindən Naxçıvan Muxtar Respublikasına keçərkən Azərbaycan hərbçiləri tərəfindən saxlanılıb. Erməni mətbuatının yazdığına görə, onun psixoloji problemləri olub və bir neçə dəfə evdən gedib.

AzVision.az

Teqlər: