"Çalışın, boş şeylər danışmayasınız. "İrana uranı zənginləşdirməyə icazə verməyəcəyik" demək böyük səhvdir. İslam Respublikası kimsədən icazə gözləmir", - ali dini lider söyləyib.
|
| İran-ABŞ danışıqlarında yeni mərhələ başlayır |
Xatırladaq ki, İranın xarici işlər nazirinin müavini Kazım Qəribabadi yerli mətbuata açıqlamasında nüvə proqramı üzrə danışıqların yeni mərhələsinin vaxtı və yeri ilə əlaqədar Vaşinqtondan təklif aldığını dilə gətirib. O deyib ki, ABŞ-nin təklifi nəzərdən keçirilir.
ABŞ-nin İranla nüvə proqramı üzrə 2018-ci ildə dayandırdığı danışıqlar keçən ayın əvvəlində yenidən başlayıb. Omanın vasitəçiliyi ilə keçirilən danışıqlar ABŞ və İran arasında son 8 il ərzində ən mühüm təmas kimi qiymətləndirilir. Əli Xameneinin siyasi məsələlər üzrə müşaviri Əli Şəmxani keçən günlərdə "NBC News" telekanalına müsahibəsində bildirmişdi ki, İran iqtisadi sanksiyaların ləğvi müqabilində ABŞ ilə nüvə proqramı üzrə saziş imzalamağa hazırdır.
Firudin Həmidli
AzVision.az
Vaxtında, Aydın, Lazımlı!
-1747745106.jpg&h=190&w=280&zc=1&q=100)
