Bazar günü başlayan təlimlər iki ölkə arasındakı hərbi tərəfdaşlığı möhkəmləndirməyə yönəlib. Moskva və Pekinin iddialarına görə, onlar "ABŞ-ın rəhbərlik etdiyi qlobal nizam"ı tarazlaşdırmağa çalışırlar.
“Birgə Dəniz-2025” adlı təlimlər Rusiyanın Vladivostok yaxınlığındakı sularda başlayıb və Çin Müdafiə Nazirliyinin bazar günü verdiyi açıqlamaya görə, üç gün davam edəcək.
Təlimlər zamanı sualtı qayıqların xilas edilməsi, sualtı, hava hücumundan müdafiə və raket əleyhinə əməliyyatlar, eləcə də dəniz döyüşü fəaliyyətləri həyata keçiriləcək.
Təlimlərdə Çinin dörd hərbi gəmisi, o cümlədən "Shaoxing" və "Urumqi" adlı idarəolunan raket daşıyan esminesləri iştirak edir. Çin Müdafiə Nazirliyi bildirib ki, Rusiya gəmiləri də manevrlərə qoşulub.
Təlimlərdən sonra iki ölkənin hərbi-dəniz qüvvələri Sakit okeanın "müvafiq sularında" birgə patrul həyata keçirəcəklər.
Çin və Rusiyanın “Birgə Dəniz” təlimləri ilk dəfə 2012-ci ildə keçirilib.
Ukraynanın əsas müttəfiqləri, o cümlədən ABŞ, hesab edirlər ki, Pekin Moskvanı dolayı yolla dəstəkləyir.
Çin isə neytral mövqedə olduğunu iddia edir, müharibəyə son qoymağa çağırışlar edir və Qərb ölkələrini Ukraynanı silahlandırmaqla münaqişəni uzatmaqda ittiham edir.
M.Həsənli
AzVision.az
Çin və Rusiya birgə hərbi-dəniz təlimlərinə başlayıb
03 Avqust 2025
Oxunub:957
Təlimlər Yapon dənizində keçirilir.
Teqlər:
Vaxtında, Aydın, Lazımlı!
-1780404767.jpg&h=120&w=187&zc=1&q=70')
