ABŞ Rumıniyadakı hərbçilərinin sayını azaldır

   ABŞ Rumıniyadakı hərbçilərinin sayını azaldır
  29 Oktyabr 2025    Oxunub:749
Rumıniya və onun NQATO üzrə müttəfiqləri ABŞ-nin Avropadakı qoşunlarının sayının ixtisarı barədə xəbərdar ediliblər.
AzVision.az Rumıniyanın Milli Müdafiə nazirliyinin məlumatına istinadən xəbər verir ki, belə qərar prezident Donald Trampın administrasiyası tərəfindən “ABŞ Silahlı qüvvələrinin qlobal mövqeyinin yenidən qiymətləndirilməsi prosesinin bir hissəsi kimi” qəbul edilib.

“Avropada rotasiyası dayandırılacaq ABŞ qoşun hissələri arasında “Mixay Koqelniçanu” aviabazasında yerləşdirilən kontingent də var. Biz bu qərarı gözlədiyirdik, çünki Rumıniya strateji tərəfdaşı olan ABŞ ilə daim əlaqə saxlayır”, - nazirliyin açıqlamasında deyilir.

Avropa ABŞ qoşunlarının xəbərdarlıqsız çıxarılacağından qorxur - "Bloomberg"
Sentyabrın əvvəlində məlum oldu ki, ABŞ-nin Rusiya ilə həmsərhəd Şərqi Avropa ölkələrinə hərbi yardım proqramlarını mərhələli şəkildə dayandırmaq niyyətindədir. Vaşinqton bununla qitə ölkələrini öz müdafiələrinə daha çox sərmayə qoymağa təşviq etmək istəyir. Əvvəllər bu vəsaiti alanlar ilk növbədə Litva, Latviya və Estoniya idi.

Vaşinqtonun bu qərarından təşvişə düşən Avropa indi ABŞ-dən əlavə izah almağa çalışır.

Hələ bu ilin aprelində “Bloomberg” agentliyinin dərc etdiyi məqlaədə Avropa liderlərinin ABŞ-nin qəfildən öz qoşunlarını qitədən çıxara biləcəyindən narahat olduqları vurğulanırdı.

Sahil İsgəndərov
AzVision.az


Teqlər:   ABŞ   Rumıniya   hərbçilər  



Xəbər lenti