Muradsız keçən 1 il... (FOTOLAR+VİDEO)

Muradsız keçən 1 il... (FOTOLAR+VİDEO)
  11 Aprel 2017    Oxunub:125488
Bu gün aprel döyüşlərində qəhrəmancasına şəhid olan Xüsusi Təyinatlı Qüvvələrin polkovnik-leytenantı, Milli Qəhrəman Murad Mirzəyevin il mərasimi keçirilib.
AzVision.az xəbər verir ki, Milli Qəhrəmanın yaşadığı evdə başlayan anım tədbiri II Fəxri Xiyabanda məzarı önündə davam etdirilib.



Qəhrəman şəhidin anım tədbirində ailə üzvləri, qohumları, hərbçi yoldaşları, Müdafiə Nazirliyinin rəsmiləri, deputatlar Qənirə Paşayeva, Elçin Quliyev v Yasamal rayon İcra Hakimiyyəti başçısı İbrahim Mehdiyev iştirak edib.



Mərasimdə Milli Qəhrəmanın keçdiyi döyüş yolundan danışılıb və onun göstərdiyi qənrəmanlıq xüsusi vurğulanıb.

Qeyd edək ki, Murad Mirzəyev 1976-cı ildə Sabirabad rayonunun Muğan Gəncəli kəndində anadan olub. 1998-ci ildə Türkiyədə Ali Hərbi Məktəbi bitirib, ABŞ, Ruminya, İordaniya kimi ölkələrdə təlimlər keçib. M.Mirzəyev aprel döyüşləri zamanı qəhrəmancasına şəhid olub. Zabitin nəşi aprelin 10-da Beynəlxalq Qırmızı Xaçın vasitəçiliyi ilə döyüş meydanından götürülərək Azərbaycana təhvil verilib. Aprelin 11-də II Fəxri Xiyabanda dəfn olunub.



Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin 2016-cı il 19 aprel tarixli sərəncamı ilə ölkəmizin ərazi bütövlüyünün qorunub saxlanılmasında xüsusi xidmətlərinə və döyüş tapşırığını yerinə yetirərkən göstərdiyi şəxsi igidliyə görə polkovnik-leytenant Mirzəyev Murad Telman oğluna ölümündən sonra "Azərbaycanın Milli Qəhrəmanı" adı verilib.



Müxbir: Anar Kəlbiyev
Foto: Elvin Abdulla
Video: Əhməd Xəlilov
Montaj: Bəxtiyar Məmmədov

AzVision.az

Qalereya




Teqlər: MilliQəhrəman   Şəhid   MuradMirzəyev  





Xəbər lenti


Azvision.az ©2014 | Bütün hüquqları qorunur