İrəvanda etiraz aksiyası keçirilib - VİDEO (Yenilənib)

İrəvanda etiraz aksiyası keçirilib - VİDEO (Yenilənib)
  21 Aprel 2017    Oxunub:5387
Ermənistanın paytaxtı İrəvanda etiraz aksiyası keçirilib. AzVision.az erməni KİV-lərinə istinadən xəbər verir ki, ticarət obyektlərinin işçiləri hökümət binasının qarşısında toplaşaraq baş nazir Karen Karapetyanla görüş tələb ediblər.
Etirazçıların sözlərinə görə, artıq üç gündür ki, vergi orqanları onların yarmarkalarında yoxlamalar həyata keçirir, sənədlər tələb edir, müxtəlif üsullarla onları sıxışdırır.

Aksiya zamanı "Bizi sakit buraxın"- deyə şüarlar səsləndirilib.

Etirazçılarla hökümət aparatının məktubların qəbulu və çatdırılma departamentinin rəisi Aleksandr Qazayan görüşüb və onlara 10 nəfərlik qrup halında baş nazirin yanına qalxmağı təklif edib.

Təklifi rədd edən etirazçılar tələb ediblər ki, baş nazir aşağı düşməli, onların problemlərini dinləməlidir.



Şahin Qocayev
AzVision.az




Teqlər: Ermənistan   İrəvan   Etiraz  





Xəbər lenti