Məktəbli formaları bahalaşacaq? - Açıqlama - (VİDEO)

  16 İyun 2017    Oxunub : 1184
Məktəbli formaları bahalaşacaq? - Açıqlama - (VİDEO)

Dolların məzənnəsi manata nisbətən bahalaşarsa, məktəbli formalarının qiymətində artım ola bilər.

Bunu AzVision.az-a Bakı Tikiş Evinin (BTE) satış şöbəsinin rəisi Etibar Əzimov deyib. Onun sözlərinə görə, hələlik məktəbli formalarının qiymətlərində dəyişiklik gözlənilmir.

“Biz parçaları Türkiyədən dollarla alırıq. Həmin parçalar yüksək keyfiyyətlidir. Hələlik manatın məzənnəsi stabil olduğundan qiymət dəyişikliyi barədə düşünmürük. Əgər dollar yenidən bahalaşsa, məcbur qalıb qiymət artımına gedə bilərik”.

Qeyd edək ki, keçən il BTE tikdiyi məktəbli formalarının qiymətini 8, 5 faiz bahalaşdırmışdı. Aşağı siniflər üçün 26 ölçüdən 44 ölçüyədək məktəbli forması dəstinin qiyməti 34 manatdan 37 manatadək, yuxarı sinif şagirdləri üçün 32 ölçüdən 54 ölçüyədək məktəbli forması dəstinin qiyməti 43 manatdan 46 manatadək artırılmışdı.



Aytən Zəhra
AzVision.az

Teqlər: BTE   Məktəbli-Forması