Azərbaycanın ərazi bütövlüyünə qarşı növbəti təxribat - (VİDEO)

  09 Avqust 2017    Oxunub : 5642
Azərbaycanın ərazi bütövlüyünə qarşı növbəti təxribat - (VİDEO)

Mapbox.com və Openstreetmap.org naviqasiya sistemində Azərbaycanın ərazi bütövlüyü ilə bağlı böyük yanlışlığa yol verilib.

AzVision.az-ın məlumatına görə, internet istifadəçilərinə təqdim olunan onlayn xəritələrdə Azərbaycanın işğal altında olan əraziləri erməni adları ilə təqdim olunub.

Xəritədə Xankəndinin Stepanakert, Ağdərənin Mardakert, Kəlbəcərin Karvacar, Xocavəndin Martuni kimi göstərilməsi Azərbaycana qarşı növbəti təxribatdır. Şübhəsiz ki, xəritə təxribatının arxasında ermənilər durur.

Ermənistan tərəfindən işğal olunmuş Azərbaycanın tarixi ərazilərinin adlarının təhrif olunması və erməni adı ilə göstərilməsi beynəlxalq konvensiya və qanunlara ziddir. Bundan öncə də ölkəmizə qarşı oxşar təxribatlara yol verilib. Azərbaycan dəfələrlə bununla bağlı aidiyyatı qurumlara etirazını bildirib.





AzVision.az

Teqlər: Azərbaycan   Qarabağ   Təxribat