Erməni diasporunun Ukraynadakı lideri qətlə yetirilib - VİDEO

  18 Oktyabr 2017    Oxunub : 2243
Erməni diasporunun Ukraynadakı lideri qətlə yetirilib - VİDEO

Ukraynada öldürülən erməni biznesmen Andranik Nikoqosyanın qətlinin təfərrüatları məlum olub.

AzVision.az erməni mətbuatına istinadən xəbər verir ki, Andranik Ukraynada Zakarpat vilayətində erməni diasporunun liderlərindən olub.

O, erməni icmasını dəstəkləyib, xeyriyyəçi kimi bir çox tədbirlərində fəal iştirak edib. Andranikin səyləri nəticəsində şəhərdə erməni məktəbi, o cümlədən qondarma soyqırıma dair xatirə lövhəsi açılıb. O, brend ayaqqıblar üçün müəyyən detallar hazırlamaqla məşhurlaşıb.



Erməni biznesmeni qətlə yetirən şəxs onun keçmiş şəriki Vardan Tovmasyandır. O, artıq saxlanılıb. 90-cı illərin əvvəlindən birgə işləyən erməni şəriklər ötən il bizneslərini ayırıblar.

Keçmiş biznes tərəfdaşları arasında mübahisə pul və nüfuz üstündə yaranıb. Məlumata görə, Vardanın Andranikə pul borcu olub. Halbuki, bütün işləri Vardan həyata keçirib. Lakin hesabat işinə Andranik baxıb. Nəticədə Vardan şərikini borclu çıxarıb. Pul üstündə düşən mübahisə sonda ölümə səbəb olub.

***

Ukraynanın Ujqorod şəhərində erməni biznesmen qətlə yetirilib.

AzVision.az Rusiya mətbuatına istinadən xəbər verir ki, “Aparan” MMC-nin rəhbəri Andranik Nikoqosyan iş otağında naməlum şəxslər tərəfindən güllələnib.

Məlumata görə, cinayətkar şəxs artıq saxlanılıb. Hadisə ilə bağlı polis araşdırma aparır.

İlkin Nəcəfzadə
AzVision.az

Teqlər: Ukrayna   Qətl