ABŞ-ın axtarışa verdiyi erməni cinayətkar saxlanıldı

  04 Mart 2019    Oxunub : 1121
ABŞ-ın axtarışa verdiyi erməni cinayətkar saxlanıldı
“İnterpol” (Beynəlxalq Cinayət Polisi İdarəsi ) xətti ilə beynəlxalq axtarışda olan Ermənistan vətəndaşı Ukrayna sərhədçiləri tərfindən həbs edilib.

Azvision.az xəbər verir ki, bu barədə Ukrayna Daxili İşlər Nazirliyi məlumat yayıb.
“Sutka ərzində sərhədçilərimiz Odessa hava limanında və Belarusla sərhəddə beynəlxalq cinayətkarı aşkar ediblər. Odessadan Birləşmiş Ərəb Əmirliyinə gedən reysin sərnişinlərinin qeydiyyatı zamanı sərhədçilər Ermənistan vətəndaşını saxlayıblar” – məlumatda vurğulanıb.

Qeyd olunub ki, 32 yaşlı erməni Amerikada törətdiyi qətlə görə məsuliyyətə cəlb edilməsi üçün ABŞ hüquq-mühafizə orqanları tərəfindən beynəlxalq axtarışa verilib.

Leyla Elbrusqızı
Azvision.az

Teqlər: Ermənistan   Ukrayna   ABŞ