Rusiya hansı halda nüvə silahı tətbiq edəcəyini açıqladı
Azvision.az “Russia Today”ə istinadən xəbər verir ki, Rusiyanın ABŞ-dakı səfiri Anatoli Antonov Vaşinqtonda Karneqi Fondunun konfransında bu cür bəyanatla çıxış edib.
“Bizin hərbi doktrinamızda açıq şəkildə deyilir ki, nə zaman və hansı şərtlər altında nüvə silahından istifadə edə bilərik: Rusiya Federasiyasına hücum edildikdə və ölkənin mövcudluğuna təhdid yarandıqda” – rusiyalı səfir vurğulayıb.
Antonov onu da bildirib ki, ABŞ Rusiyanın rəqibi deyil: “Biz ABŞ-a tərəfdaş kimi baxırıq. Bizim ABŞ üçün kim olduğumuzu müəyyənləşdirmək isə sizə (amerikalılara) qalır.”
Qeyd edək ki, yanvarın sonunda ABŞ Konqressindəki demokratlar hərbi münaqişələr zamanı Amerikanın nüvə silahı tətbiq edəcək ilk tərəf olmasını qadağan edən qanun layihəsi irəli sürüblər.
Leyla Elbrusqızı
Azvision.az