Nazarbayev istefasını Putinlə müzakirə edib - Yenilənib

  19 Mart 2019    Oxunub : 12021
 Nazarbayev istefasını Putinlə müzakirə edib - Yenilənib
Qazaxıstan prezidenti Nursultan Nazarbayev çərşənbə axşamı Rusiya prezidenti Vladimir Putinlə telefonla danışıb və dövlət başçısı səlahiyyətlərini dayandırması barədə qərarını onunla müzakirə edib.
Azvision.az xəbər verir ki, bu barədə Qazaxıstan prezidentinin mətbuat xidməti məlumat yayıb.

Prezidentlər gələcəkdə müntəzəm təmasları davam etdirmək barədə razılığa gəliblər.

"Dövlət başçıları Qazaxıstan Respublikasının prezidenti Nursultan Nazarbayevin səlahiyyətlərinin icrasını 20 mart 2019-cu il tarixindən dayandırmasına dair qərarı barədə danışıblar", - deyə məlumatda bildirilib.

***
Rusiya lideri Vladimir Putin bu gün günorta saatlarında Qazaxıstan prezidenti Nursultan Nazarbayevlə telefonla danışıb.

Azvision.az xəbər verir ki, bu barədə TASS-a Rusiya prezidentinin mətbuat katibi Dmitri Peskov bildirib.

O, Nazarbayevin istefasından əvvəl iki lider arasında təmasın olub-olmadığı barədə sualı cavablandırarkən deyib: "Bu gün gündüz prezident Putinin prezident Nazarbayevlə telefon söhbəti olub, amma biz bu danışığın məzmunu barədə informasiyaya malik deyilik. Kremlin mətbuat xidməti hazırda bunu heç cür şərh etmir".

Qeyd edək ki, bu gün Qazaxıstan Respublikasının prezidenti Nursultan Nazarbayev gözlənilmədən vəzifəsindən istefa verib. O, bu barədə qərarını televiziya vasitəsilə xalqa müraciətində bəyan edib.

Azvision.az

Teqlər: Putin   Nazarbayev