AKP Ankara və İstanbulda uduzdu, CHP ikinci oldu

  01 Aprel 2019    Oxunub : 3573
 AKP Ankara və İstanbulda uduzdu, CHP ikinci oldu
Ötən gün Türkiyədə keçirilən bələdiyyə seçkilərinin nəticələri açıqlanıb.

Azvision.az -ın məlumatına görə, ölkə üzrə seçki qutularının 100 faizi açılıb. Nəticələrə əsasən, 44,31 faiz səslə hakim Ədalət və İnkişaf Partiyası (AKP) qələbə qazanıb.
Cümhuriyyət Xalq Partiyası (CHP) isə 30,11 faiz səslə ikinci olub. Digər yerlərdə İYİ parti (7,45 faiz), MHP (7,31 faiz) və HDP(4,24 faiz) yer alıb.

Paytaxt Ankarada CHP-nin namizədi Mansur Yavaş (50,91 faiz) qalib gəlib. AKP təmsilçisi Mehmet Özhaseki cəmi 47,1 faiz səs yığa bilib.

Türkiyənin digər əsas şəhərində də müxalif CHP hakim partiyanı üstələyib. Belə ki, İstanbulda seçkilərin favoriti Binəli Yıldırım hesab olunsa da, CHP-nin namizədi Əhrəm İmamoğlu 48, 79 faizlə birinci olub. B.Yıldırım isə 48, 51 faiz səslə rəqibinə uduzub.

Azvision.az

Teqlər: AKP   CHP   Türkiyə   Seçki