Azvision.az xəbər verir ki, bunu Aİ-nın “Brexit” üzrə danışıqlardakı ali nümayəndəsi Mişel Barnye deyib. Onun sözlərinə görə, əgər Böyük Britaniya 23 maydan sonra Aİ-nın üzvü olaraq qalmaqda davam edəcəksə, onda mayın sonuna təyin edilən Avropa Parlametinə keçiriləcək seçkilərdə iştirak etməli, həmçinin, Avropa Komissiyasına öz namizədini irəli sürməlidir.

“Böyük Britaniyanın Aİ-dan ayrılmasının uzun müddətə təxirə salınması 3 səbəblə əsaslandırıla bilər: yeni siyasi prosesin başladılması, yeni referendumun təşkili və milli seçkilərin keçirilməsi” – Barnye vurğulayıb.

Qeyd edək ki, 29 martda Böyük Britaniya parlamenti hökumətin “Brexit” sazişini üçüncü dəfə rədd edib. İndi Böyük Britaniya iki seçim qarşısındadır: ya Aİ-na yeni alternativ fəaliyyət planı təklif etməli, ya da aprelin 12-də İttifaqdan çıxmalıdır. Aprelin 10-da isə Aİ “Brexit” üzrə fövqəladə sammit keçirəcək.

“Brexit” üzrə referendum 2016-cı ilin iyununda keçirilib və əhalinin 51,9 faizi Böyük Britaniyanın Aİ-dan çıxmasının lehinə səs verib. “Brexit” prosesi rəsmən 2019-cu ilin 29 martında başa çatmalı və Britaniya ilə Aİ 2020-ci ilin 31 dekabrınadək keçid dövrünə qədəm qoymalı idi. Lakin Britaniya parlamenti ölkənin Avropa İttifaqından ayrılma formasını müəyyənləşdirəcək “Brexit” sazişini yenidən rədd etdiyindən, London Aİ-dan çıxış tarixinin 30 iyunadək uzadılması üçün Brüsselə müraciət edib. Amma mayın 23-də Avropa Parlamentinə keçiriləcək seçkilərlə əlaqədar Brüssel “Brexit”in mayın 22-dək təxirə salınmasına şərti razılıq verib.

Leyla Elbrusqızı
Azvision.az