Putin Vahid Ələkbərovla görüşdü

  16 Aprel 2019    Oxunub : 1625
 Putin Vahid Ələkbərovla görüşdü
Rusiya prezidenti Vladimir Putin Azərbaycan əsilli iş adamı, “LUKOIL” neft şirkətinin rəhbəri Vahid Ələkbərovla görüşüb.
Azvision.az Rusiya KİV-lərinə istinadən xəbər verir ki, Kremldə baş tutan görüşdə şirkətin fəaliyyəti, eləcə də 2018-ci ildə neft-qaz yataqlarının işlənməsinin nəticələri barədə müzakirələr aparılıb.

V.Ələkbərov diqqətə çatdırıb ki, şirkət 2018-ci ili uğurla başa vurub, neft hasilatına qoyulan sərmayə təxminən 500 milyard rubl təşkil edib:

"Portfelimiz kifayət qədər genişdir. 32 ölkədə çalışırıq. 2-2,5 min metr dərinlikdə qazma işləri aparırıq, bu dərinlik Qərbi Afrikada, Xəzər dənizinin bəzi yerlərində 600 metrə çatır. Biz mütəxəssislərimizin qazma işləri apardıqları dərinliklərin öhdəsindən gəlirik".



Azvision.az

Teqlər: Putin   Vahid-Ələkbərov