Zelenski rus dilinin müdafiəsinə qalxdı

  25 Aprel 2019    Oxunub : 1661
 Zelenski rus dilinin müdafiəsinə qalxdı
Ukraynanın yeni seçilmiş prezidenti Vladimir Zelenski Ali Radanın dövlət dili ilə bağlı qəbul etdiyi qanuna yenidən baxacağını bildirib.
Azvision.az-ın məlumatına görə, Zelenski deyib ki, dövlət dili haqqında qanun layihəsi Ukrayna Konstitusiyasına uyğun olaraq təhlil edilməlidir.

O, prezident vəzifəsini icra edəcəyi andan bütün Ukrayna vətəndaşlarının konstitusiya, hüquq və maraqlarını təmin etmək məqsədilə qanunun hərtərəfli təhlil ediləcəyini vurğulayıb.

Zelenskinin fikrincə, Ali Rada tərəfindən qəbul olunan qanunda ictimai rəy nəzərə alınmayıb.

Qeyd edək ki, bu gün Ali Rada dövlət və yerli idarəetmə orqanlarında, təhsil müəssisələrində və xəstəxanalarda Ukrayna dilinin məcburi istifadəsi haqqında qanun layihəsini qəbul edib. Ekspertlər hesab edirlər ki, yeni qanun Ukraynada rus dilinin qadağan olunmasını nəzərdə tutur.

Azvision.az

Teqlər: Zelenski   Ukrayna