YAP-çı deputat popkorn satan uşağa dəstək oldu

  09 May 2019    Oxunub : 5571
YAP-çı deputat popkorn satan uşağa dəstək oldu
Milli Məclisin deputatı Aydın Mirzəzadə həmkarı Rasim Musabəyovun “Azneft” meydanında popkorn satan uşaqla bağlı yazdığı statusa reaksiya verib.
AzVision.az xəbər verir ki, YAP-çı deputat məsələ barədə fikirlərini “Facebook” səhifəsində paylaşıb.

““Azneft” meydanının altındakı yeraltı keçiddəki popkorn satan uşaq məsələsi məni çox təsirləndirdi. O uşağı oradan aparatı ilə çıxartmaq yox, ona paltar və məktəb ləvazimatı alıb məktəbə yönləndirmək, ailəsinə isə iş tapmaqda kömək etmək lazım idi. Əgər valideynlərin biri yox idisə və ya işləmək qabiliyyətləri yoxdursa, o ailəyə sosial yardım verilməsinə nail olmaq lazım idi. Bütün bunlardan əvvəl isə yaxınlaşıb, uşaqdan popkorn almaq lazım idi ki, qoy verdiyimiz puldan ona həmin gün azacıq da olsa pul qalaydı”, - A.Mirzəzadə statusunda yazıb.



Qeyd edək ki, deputat Rasim Musabəyovun popkorn satan uşaqla bağlı yazdığı statuslar sosial şəbəkələrdə tənqid hədəfinə tuş gəlib.

AzVision.az


Teqlər: AydınMirzəzadə   Azneft