Finalı izləmək üçün Bakıya 40 min əcnəbi gələcək

  15 May 2019    Oxunub : 2207
Finalı izləmək üçün Bakıya 40 min əcnəbi gələcək
Mayın sonunda ölkəmizdə keçiriləcək Avropa Liqasının final oyununu izləmək üçün Bakıya təxminən 40 minə yaxın xarici vətəndaş gələcək.
Azvision.az xəbər verir ki, bunu AFFA-nın baş katibi Elxan Məmmədov Bakıda keçirilən Futbol və Biznes Sammitində çıxışı zamanı deyib.

Baş katib bildirib ki, bu rəqəm tədbir üçün Azərbaycana gələn turistlərin sayında yeni rekorddur: "Bunun iqtisadi, turizm baxımından əhəmiyyəti böyükdür. Ölkəmizdə ən çox izlənilən futboldur. 2017-ci ildə keçirilən sorğuda valideynlərin uşaqlar üçün seçdiyi birinci idman növü futbol olub. Bu, bizim üçün sevindiricidir".

Qeyd edək ki, mayın 29-da Bakıda Avropa Liqasının final oyunu keçiriləcək. Həlledici görüşdə İngiltərənin "Arsenal" və "Çelsi" klubları qarşılaşacaqlar.

Aytən Zəhra
Azvision.az

Teqlər: Futbol   Bakı