Rusiyada xüsusi təyinatlını öldürən erməni həbs olundu

  05 İyun 2019    Oxunub : 1378
 Rusiyada xüsusi təyinatlını öldürən erməni həbs olundu
Rusiya Baş Kəşfiyyat İdarəsinin keçmiş əməkdaşı Nikita Belyankini qətlə yetirməkdə şübhəli bilinən erməni Sergey Xocayan həbs olunub.

Azvision.az TASS-a istinadən xəbər verir ki, Moskva vilayəti Krasnoqorsk şəhər Məhkəməsi onun barəsində iki aylıq həbs qətimkan tədbiri seçib.
Xatırladaq ki, iyunun 1-də gecə saatlarında Moskva vilayətinin Krasnoqorsk rayonunda xüsusi xidmət qüvvələrin Suriyada döyüşmüş keçmiş əməkdaşı 24 yaşlı Nikita Belyankin qətlə yetirilib.

Rusiya KİV-lərinin yaydığı məlumata görə, Nikita axşam evə qayıdarkən barlardan birinin qarşısında bir qrup şəxsin bir nəfəri döydüyünü görüb. O, təklənmiş şəxsi müdafiə etməyə çalışıb.

Kütlənin ona qarşı gəldiyini görən Nikita üstündə gəzdirdiyi travmatik tapança ilə göyə xəbərdarlıq atəşi açıb. Lakin davada iştirak edənlərdən biri onu ürəyindən ölümcül yaralayıb. Nikita hadisə yerində keçinib.

Araşdırma zamanı məlum olub ki, Nikita Belyankini öldürən şəxs Ermənistan vətəndaşıdır. Keçmiş hərbçinin atasının sözlərinə görə, qatil hadisənin baş verdiyi gecə Rusiyanı tərk edərək Ermənistana qaçıb.

Cinayət işinin istintaqı davam edir, araşdırma aparılır.

Azvision.az

Teqlər: Rusiya