Baş pediatr: “Çimərliyə gedən uşaqlar az xəstələnirlər"

  21 İyun 2019    Oxunub : 977
 Baş pediatr: “Çimərliyə gedən uşaqlar az xəstələnirlər"
Yeni doğulmuş uşaqların sağlamlığı üçün gün işığı müstəsna əhəmiyyət kəsb edir. Amma müəyyən qaydalara riayət etmək lazımdır.
Azvision.az xəbər verir ki, bunu jurnalistlərə açıqlamasında K.Y.Fərəcov adına Elmi -Tədqiqat Pediatriya Institunun direktoru, respublikanın baş pediatrı Nəsib Quliyev çimərlik mövsümünün başlanması ilə bağlı danışarkən deyib.

Baş pediatr bildirib ki, ilk növbədə uşaqları istidən, gündən və soyuqdəymədən qorumaq lazımdır: "Bundan əlavə, çimərliyə gedərkən vaxta və rejimə diqqət etmək vacibdir. İcazə verilən çimərliklərə getmək olar. Əgər hər hansı ərazidəki çimərlikdən istifadə qadağandırsa, o yerlər uşaqlar üçün dəhşətli şəkildə təhlükəlidir. Söhbət təkcə çimərliyin ətrafındakı zir-zibildən getmir, o ərazilərdə dəniz suyunun çirklənmə səviyyəsi də yüksək olur. Belə hallarda uşaqlar arasında xəstəliklər yayıla bilər".

N.Quliyev əlavə edib ki, uşaqları dənizə səhər saat 06:00-dan 11:00-a qədər və 16:00-dan sonra aparmaq lazımdır: "Uşaqlar mütləq valideynlərin nəzarəti altında çimməlidirlər. Onu da nəzərə çatdırım ki, çimərliyə çox gedən uşaqlar qış mövsümündə daha az xəstələnirlər".

Aytən Zəhra
Azvision.az

Teqlər: