Nazirlik əlillik ala bilməyən şəxsə kömək etdi

  16 İyul 2019    Oxunub : 909
Nazirlik əlillik ala bilməyən şəxsə kömək etdi
Zaqatala rayonu, Qımır kənd sakini Bəkirov Nəzər Nurullah oğlunun əlillik dərəcəsi ala bilməməsi barədə bəzi saytda dərc olunmuş məlumatla əlaqədar araşdırma aparılıb.
Azvision.az xəbər verir ki, bu barədə Əmək və Əhalinin Sosial Müdafiəsi Nazirliyinin mətbuat katibi Fazil Talıbov bildirib. Onun sözlərinə görə, Nəzər Bəkirovun əlilliyinin qiymətləndirilməsi üçün 07.03.2019 tarixində Zaqatala Rayon Mərkəzi Xəstəxanasından müraciət edilib. Lakin əlilliyin qiymətləndirilməsi zamanı əsas sənəd hesab olunan Forma 88-in (göndərişin) natamam doldurulması və xəstənin Tibbi Sosial Ekspert Komissiyasına göndərişində diaqnozu təsdiq edən ixtisas həkim müayinələri və köməkçi diaqnostika müayinələri aparılmaması səbəbindən təyinatdan imtina edilib.

"Qarşı tərəfin mövqeyini öyrənmədən məlumat yayan bir neçə saytın bir daha diqqətinə çatdırırıq ki, səhiyyə müəssisəsi tərəfindən vətəəndaşın səhhətini əks etdirən bütün funksional diaqnostik, laborator, rentgen müayinələrinin nəticələri, mütəxəssislərin məlumatları, aparılmış müalicə tədbirləri və onların səmərəliliyi, klinik proqnoz göstərilməklə göndəriş rəsmiləşdirilməlidir.

Əmək və Əhalinin Sosial Müdafiəsi Nazirliyinin müvafiq qurumu tərəfindən əlilliyin qiymətləndirilməsi həyata keçirilərkən məmur (və ya həkim-ekspert) - vətəndaş təması baş vermir. Qərar verən orqan yalnız səhiyyə müəssisəsi tərəfindən elektron qaydada göndərilmiş sənədə əsasən qərar verir".

O, qeyd edib ki, Nəzər Bəkirovun əlilliyinin yenidən qiymətləndirilməsi üçün 16 saylı TSEK-ə müvafiq tapşırıq verilib. Vətəndaşın qardaşı Hikmət Bəkirov komissiyaya dəvət olunaraq ona yenidən müraciət zamanı göndərişin düzgün tərtib edilməsində tövsiyyə xarakterli lazımi köməklik göstəriləcək.

Azvision.az

Teqlər: ƏƏSMN