Koronavirusdan sağalmaq üçün 1,1 milyon dollar xərclədi

  16 İyun 2020    Oxunub : 1738
Koronavirusdan sağalmaq üçün 1,1 milyon dollar xərclədi
ABŞ-da koronavirusa yoluxan 70 yaşlı kişinin müalicəsi 1,1 milyon dollara başa gəlib.

Azvision.az "The Time" nəşrinə istinadən xəbər verir ki, Maykl Flora adlı yerli sakin İssakua xəstəxanasında müalicə almaq üçün külli miqdarda vəsait ödəyib.

Xəstə 62 gün reanimasiya şöbəsində, bir neçə həftə isə komada olub. Ailəsi onun yaşayacağına inanmayıb.

Maykl Florun dediyinə görə, onun gündəlik müalicə xərci azı 9700 dollar olub. Tibbi yardım, dializ və həkimlərə ödəniş bu hesaba daxil edilməyib.

Vəsaitin böyük hissəsini sığorta şirkəti ödəyəcək.

Şahanə Rəhimli
Azvision.az

Teqlər: ABŞ