Suriya Prezidenti Bəşər Əsədin əmisi Rifat Əsəd Paris məhkəməsi tərəfindən daşınmaz əmlak sahəsində qanunsuz maliyyə fırıldaqçılığı, Suriya hökumətinin dövlət vəsaitlərini mənimsəməkdə ittiham olunaraq 4 il müddətinə azadlıqdan məhrum edilib.
Azvision.az TASS-a istinadən xəbər verir ki, məhkəmə 82 yaşlı Rifat Əsədin Fransadakı əmlakının müsadirə edilməsi barədə qərar verib.
O, xüsusilə mütəşəkkil bir qrupun tərkibində çirkli pulların yuyulmasında, vergi qanunvericiliyinin pozulmasında ittiham olunur.